Útleiðing Software AG webMethods

webMethods út.
Temporal inn.

Við sérhæfum okkur í að hjálpa fyrirtækjum á Íslandi að útleiða legacy tól eins og Software AG webMethods og flytja viðskiptaferla sína yfir í Temporal. Einn ferill í einu, með samanburði, þar til hægt er að slökkva á gamla kerfinu.

01 — Vandinn

webMethods leysti vandamál á sínum tíma. Í dag er vandamálið kerfið sjálft.

01

Lokað umhverfi

Flæðin eru skrifuð í webMethods Designer og keyrð í sérstöku keyrsluumhverfi. Breytingar krefjast fólks sem kann á þetta verkfæri, ekki bara góðs forritara.

02

Þekking sem er að hverfa

Sérhæfð þekking getur verið dýr og erfið að manna. Þegar þekkingin hverfur sitja eftir ferlar sem enginn þorir að snerta á.

03

Dýr leyfi

webMethods er ekki opinn hugbúnaður og leyfisgjöldin kosta sitt. Kostnaðurinn helst á meðan kerfið stendur í stað.

02 — Temporal

Temporal tekur við ferlunum.

Temporal er hannað fyrir ferla sem tengja saman kerfi, halda utan um langvinn verkefni og bíða eftir aðgerðum eða svörum. Án þess að missa þráðinn.

01

Durable execution

Ferillinn heldur ástandi sínu þótt þjónn bili, endurræsist eða bíði.

02

Venjulegur kóði

Þið skrifið í tungumálum eins og Java, Python, .NET eða TypeScript. Sömu próf, sama útgáfustýring og sama rýni og á öðrum kóða.

03

Keyrslusaga

Endurtekningar, tímamörk og öll keyrslusagan fylgja með. Hægt er að sjá alla sögu ferilsins frá upphafi til enda.

04

Ekkert leyfisgjald

Temporal er opinn hugbúnaður. Þið getið keyrt þjóninn sjálf án leyfisgjalds, eða notað Temporal Cloud þar sem kostnaðurinn er mjög sanngjarn.

03 — Munurinn

Ferlarnir verða kóði, ekki nýtt hönnunartól.

Samþættingarkerfi, eins webMethods, TIBCO og MuleSoft, halda ykkur föstum í hönnunartólum sem fáir þekkja auk þess sem það er erfitt að hagnýta gervigreind í þannig umhverfum.

Temporal er auðvitað líka kerfi sem þið reiðið ykkur á en ferlarnir verða að kóða í tungumálum sem forritarar og gervigreind skilja.

04 — Aðferðin

Fjórir áfangar. Stigvaxandi yfirfærsla, með áherslu á rekstraröryggi.

Við byrjum ekki á því að slökkva á webMethods. Við byrjum á einum ferli sem hægt er að bera saman við þann gamla.

  1. 01

    Kortlagning

    Við förum yfir ferlana sem raunverulega keyra: þjónustur, tengingar við kerfi, tímasett verk og villumeðhöndlun. Útkoman er forgangsröðun. Hvað flyst, hverju má slökkva á, hvað á að bíða.

  2. 02

    Fyrsti ferillinn

    Við veljum einn afmarkaðan feril og útfærum hann í Temporal.

  3. 03

    Samhliða keyrsla

    Nýi ferillinn tekur við á meðan webMethods er enn í gangi. Samanburður og eftirlit.

  4. 04

    Yfirfærsla

    Kóði, próf og rekstur enda hjá ykkar teymi. Markmiðið er að þið getið haldið áfram á Temporal vegferðinni án okkar aðkomu.

05 — Reynsla

Þekking úr báðum heimum.

Einar, stofnandi ForritunEJ, vann í webMethods samþættingarteymi Advania (áður fyrr Kögun) á árunum 2006–2019. Í dag nýtir hann sér þá reynslu til að hjálpa fyrirtækjum að útleiða webMethods og innleiða Temporal. Undanfarið hefur ForritunEJ unnið með Sýn við að útleiða þeirra webMethods ferla. Sú vinna hefur fært alla mikilvægustu kjarnaferla þeirra yfir í Temporal og sýnt fram á að hægt er að framkvæma slíka umbreytingu með markvissum og stigvaxandi hætti.

Byrjum á samtali.

Stutt samtal yfir kaffibolla. Engar söluræður. Við metum hvort Temporal sé rétti kosturinn og hvort við getum aðstoðað ykkur.